Ակնամոմը ունի բուժող, վերականգնող այնպիսի հատկություն, որոնք բնաբույժների կողմից հաճախ են խորհուրդ տրվում:
Գլխացավի դեպքում խորհուրդ է տրվում 10 տոկոսանոց ակնամոմի սպիրտային լուծույթից 10 կաթիլ խառնել մեկ ճաշի գդալ թորած ջրի հետ եւ խմել, 30 րոպե հետո ընդունել կես թեյի գդալ մեղր:
Նստաներվի բորբոքման՝ իշիասի դեպքում կարելի է օգտագործել մեղվափեթակի վերին ծածկոցը, որը մեղուների կողմից պատվում է ակնամոմի շերտով:
Ծածկոցը դնել նախօրոք սպիրտով մաքրած մարմնի ցավոտ մասին եւ փաթաթել:
Իշիասի դեպքում կարելի է նաեւ ակնամոմը պահել ջրային բաղնիքի վրա, փափկեցնելուց հետո պատրաստել լավաշանման թերթիկներ եւ կապել ցավոտ մասերը:
Լնդերի բորբոքման, ատամների շարժվելու դեպքում, խորհուրդ է տրվում ակնամոմի սպիրտային լուծույթը բամբակով քսել ատամներին ու լնդերին, օրը 1-2 անգամ, կես ժամից մեկ թեյի գդալ մեղրը պահել բերանում 10 րոպեի չափ:
Ատամնացավի դեպքում ակնամոմի սպիրտային լուծույթը քսել ցավող ատամի հիմքին, կամ դնել ատամի անցքի մեջ:
Ստամոքսի եւ աղիների բորբոքման դեպքում 500 գրամ կարագին խառնել 30-70 գրամ ակնամոմ եւ հալել: Ստացված մասսան քամել եւ ընդունել օրը երեք անգամ՝ մեկական ճաշի գդալի չափով:
Լուծի դեպքում խորհուրդ է տրվում ակնամոմի սպիրտային լուծույթի 20 կաթիլ խառնել թորած ջրի հետ եւ խմել ուտելուց առաջ՝ օրը երեք անգամ: Խմելուց հետո ընդունել նաեւ մեկ թեյի գդալ մեղր:
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ»
22.12..2017
