«Եթե ուզում ենք մտածել ինքնիշխանության մակարդակը բարձրացնելու մասին, տեւական՝մասնագիտական աշխատանք եւ ֆինանսներ են պետք»,-«Հիմնադիր խորհրդարան» ընդդիմադիր շարժման գրասենյակում այսօր կազմակերպված քննարկման ժամանակ անդրադառնալով փաստին, որ ՌԴ սահմանապահներն արգելել են Մեղրիի հատվածում ճանապարհաշինարարության իրականացումը՝ ասաց Արցախի նախկին արտգործնախարար Արման Մելիքյանը:
Նա կարծում է, որ առանց նշյալ քայլերի՝ հայ-իրանական սահմանից ռուս սահմանապահների դուրսբերման հարցը բարձրացնելը բողոքի ցույցի պես մի բան կլինի. «Դա կշոյի մեր ինքնասիրությունը, բայց հարցն այդպես չի լուծվելու: Խնդրին ընդգրկուն պետք է վերաբերվել»:
Մելիքյանի բնորոշմամբ. «Յուրաքանչյուրն էլ կարող է ասել՝ «ռուսներ, հեռացեք հայ-իրանական սահմանից, իսկ դուք՝ թուրքեր, հեռացեք վաղը», քանի որ դեռ չգիտենք, թե թուրքերի հետ հարցը ոնց ենք ճշգրտելու»:
Լուիզա ՍՈՒՔԻԱՍՅԱՆ
