«Եթե հռետորաբանությունը լիներ իրականություն, գուցե Հայաստանի համար ինչ-որ հնարավորություններ ստեղծեր, բայց իրականությունն այն է, որ Իրանի հետ հռչակագրային գիգանտ ծրագրերի մասին խոսելու ֆոնին կառավարությունը գրչի մեկ հարվածով Կարեն Կարապետյանի գազպրոմամետ կառավարությունը փակում է Իրանի կառավարության աջակցությամբ վերակառուցված Մեղրու եւ Ագարակի գազամատակարարման ցանցը: Ի՞նչ «եւ-եւ»-ի մասին է խոսքը»,- այսօր ամփոփելով անցնող 2017-ը եւ խոսելով 2018-ի սպասելիքների մասին, կարծիք հայտնեց քաղաքագետ Ռուբեն Մեհրաբյանը:
Քննարկումը կազմակերպել էր Միջազգային եւ անվտանգության հայկական հարցերի ինստիտուտը:
Քաղաքագետը կարծում է, որ անցնող 2017-ն էլ նշանավորվեց նրանով, որ ՀՀ իշխանությունը հերոսաբար հաղթահարում էր այն խնդիրները, որոնք ստեղծել է ինքը: Իր համոզմամբ, կասկած չկար, որ 2000-ականներից վարվող քաղաքականությունը Հայաստանին բերելու է այս վտանգավոր իրավիճակին: Իշխանության կողմից, այս իրավիճակից դուրս գալու համար «մի բան անելու», միտում տեսնում է: Ի՞նչ կստացվի`ժամանակը ցույց կտա: Բայց մի բան իր համար հստակ է. «Մենք չենք կարող մեզ ճոխություն թույլ տալ եւ լավատես չլինել»:
Այլ մանրամասները` տեսանյութում
Նելլի ԳՐԻԳՈՐՅԱՆ
