Վճռաբեկ դատարանը բեկանեց ինչպես Ավան և Նոր-Նորք համայնքների ընդհանուր իրավասության դատարանի 12.10.2007թ. դատավճիռը, այնպես էլ ՀՀ վերաքննիչ քրեական դատարանի 18.06.2008թ. դատավճիռը։
ՄԻԵԴ-ում երկու անգամ Հայաստանի Հանրապետությանը հաղթած Սիլվա Ասատրյանի պաշտպան, փաստաբան Կարեն Մեժլումյանը իր բողոքում հայտնել էր, որ Ավան եւ Նոր-Նորք վարչական շրջանների ընդհանուր իրավասության դատարանը 1-15/2007 քրեական գործով Յուրի Վոլֆսոնին եւ Սիլվա Ասատրյանին մեղավոր էր ճանաչել եւ դատապարտել էր ազատազրկման համապատասխանաբար 11 եւ 9 տարի ժամկետով: Դատավճռի դեմ բողոք էր բերվել եւ վերաքննիչ քրեական դատարանը Վոլֆսոնի նկատմամբ նշանակված պատժի մասով փոփոխել էր, ՀՀ քրեական օրենսգրքի 66-րդ հոդվածի կիրառմամբ նրա նկատմամբ վերջնական պատիժ էր սահմանել ազատազրկում 6 տարի ժամկետով, իսկ Սիլվայինը թողել էր անփոփոխ:
Ռ.Մ.
Մանրամասները վճռաբեկ դատարանի երեկվա նիստից կարդացեք վաղվա «Առավոտում»:
