Կառավարության այսօրվա նիստում գյուղատնտեսության նախարար Իգնատի Առաքելյանն ասաց, որ 2018-20թթ. միջնաժամկետ ծրագրերում նախատեսում են 8 ոլորտներում՝ հացահատիկային սերմարտադրության զարգացում, գյուղատնտեսական տեխնիկայի ու լիզինգի, վարձակալություն, վարկային միջոցների, վարկերի տոկոսների եւ այլնի սուբսիդավորում իրականացնել։ Ջրային պետական կոմիտեի նախագահ Արսեն Հարությունյանն էլ ներկայացրեց «Վիոլաջուր» ընկերության կողմից խմելու ջրի սակագների մեղմացման նախագիծ. «Նոյեմբերի 7-ին ընկերությունը դիմել էր ՀԾԿՀ՝ սակագինը վերանայելու համար, առաջարկով 194 դրամ։ Հանձնաժողովը դեկտեմբերի 19-ին բավարարվել է ընկերության հայտը՝ սահմանելով խմելու ջրի 191 դրամ սակագին։ Որպեսզի լրացուցիչ բեռ մեր ազգաբնակչության վրա չավելացնենք, առաջարկում ենք սուբսիդիա տրամադրել՝ սակագինը պահպանելով գործող 180 դրամ սակագնի սահմաններում»
Վարչապետ Կարեն Կարապետյանը հետաքրքրվեց, թե բոլո՞ր սպառողներին է վերաբերում եւ ավելացրեց. «Սա վերջին տարին լինի, որ բոլորին ենք սուբսիդավորում. սուբսիդիան կվերաբերի միայն սոցիալապես անապահով խավին»:
Նելլի ԲԱԲԱՅԱՆ
