Ավստրալիայի Մելբուրն քաղաքի կենտրոնում մեքենան մխրճվել է հետիոտների մեջ, գրում է «ՌԻԱ Նովոստին»՝ վկայակոչելով Վիկտորիա նահանգի ոստիկանությանը:
Դեպքը տեղի է ունեցել Ֆլինդերս փողոցում,վիրավորվել է 12 մարդ, նրանցից 7-ը տեղափոխվել է հիվանդանոց: Վիրավորների թվում կա նախադպրոցական տարիքի երեխա, որը գլխի վնասվածք է ստացել:
Ոստիկանությունը ձերբակալել է վարորդին և դեպքի հետ առնչվող ևս մեկ տղամարդու: Իրավապահները հարցաքննում են ականատեսներին և բնակչությանը կոչ անում հեռու մնալ դեպքի վայրից:
Ականատեսներից մեկը պատմել է, որ Suzuki մակնիշի սպիտակ ավտոմեքենան ընթացել է մեծ արագությամբ և չի կանգնել կարմիր լույսի տակ, երբ հետիոտներն անցնում էին փողոցը:
Պատրաստեց՝ Վիկտորյա ԱՆԴՐԵԱՍՅԱՆԸ
