Վարչապետ Կարեն Կարապետյանը կառավարության այսօրվա նիստում անդրադարձավ գերիշխող շուկաներում վերահսկողության խստացմանը։ Նա նշեց, որ Ամանորի տոներին մի քանի անգամ ավելանում է սպառողական ապրանքների պահանջարկը, որն իր մեջ պարունակում է ապրանքների գնային անհիմն բարձրացման որոշակի ռիսկեր:
Կարեն Կարապետյանը ՏՄՊՊՀ նախագահին առաջարկեց Ամանորին ընդառաջ խստացնել վերահսկողությունը գերիշխող ապրանքային շուկաներում՝ գների անհիմն բարձրացումների, հակամրցակցային գործողությունների կանխարգելման նպատակով, ինչպես նաև իրականացնել ամենօրյա մոնիթորինգ՝ շուկայում կատարվող գնային փոփոխություններին օպերատիվ կերպով տեղեկանալու և հնարավոր խնդիրների դեպքում գործուն միջոցներ կիրառելու համար:
Նելլի ԲԱԲԱՅԱՆ
