ՀՀ սպորտի եւ երիտասարդության հարցերի նախարարությունն այս տարի Հայաստանի 2017 թվականի «Տարվա 10 լավագույն մարզիկներ» մրցույթը կազմակերպում է նոր ձեւաչափով, որին մասնակցում են հավատարմագրված մարզական լրագրողները եւ մարզասերները:
Նոր կարգի համաձայն, Հայաստանի 10 լավագույն մարզիկներն ընտրվելու են լրագրողների եւ հանրության SMS հաղորդագրությունների արդյունքների համադրումով: Մարզասերների քվեարկությունը սկսվել է դեկտեմբերի 11-ից եւ կավարտվի դեկտեմբերի 25-ին ժամը 18:00-ին: Յուրաքանչյուր ոք նախարարության՝ նախնական մրցույթով անցած եւ առաջարկվող 25 մարզիկներից կազմված ցուցակից իր նախընտրած մարզիկի հերթական անվանակարգի համարով կարող է SMS հաղորդագրություն ուղարկել 1006 կարճ համարին: Մեկ հեռախոսահամարից կարելի է ուղարկել մեկ հաղորդագրություն: Մեկ SMS-ի արժեքը 50 դրամ է:
ԱՆՎԱՆԱՑԱՆԿ
01. Ալեքսանյան Արթուր, հունահռոմեական ըմբշամարտ, աշխարհի չեմպիոն, Եվրոպայի առաջնություն՝ 3-րդ տեղ:
02. Ալեքսանյան Ռուբեն, ծանրամարտ, Եվրոպայի առաջնություն՝ 3-րդ տեղ:
03. Արոնյան Լեւոն, շախմատ, Աշխարհի գավաթակիր, «Նորվեյ Չեսս», «Սինքֆիլդի գավաթ», «Գրենկե Չեսս Կլասսիկ» գերմրցաշարերի հաղթող, հավակնորդների մրցաշարի մասնակից:
04. Բաչկով Հովհաննես, բռնցքամարտ, աշխարհի առաջնություն՝ 3-րդ տեղ, Եվրոպայի չեմպիոն:
05. Բերիանիձե Լեւան, ազատ ըմբշամարտ, աշխարհի առաջնություն՝ 3-րդ տեղ:
06. Գալուստյան Անաստասիա, գեղասահք, Եվրոպայի առաջնություն՝ 12-րդ տեղ:
07. Գրիգոր Գրիգորյան, ազատ ըմբշամարտ, Եվրոպայի առաջնություն՝ 3-րդ տեղ:
08. Թովմասյան Արթուր, մարմնամարզություն, Համաշխարհային ունիվերսիադա՝ 1-ին տեղ:
09. Կարապետյան Անդրանիկ, ծանրամարտ, Համաշխարհային ունիվերսիադա՝ 2-րդ տեղ, երիտասարդների Եվրոպայի չեմպիոն:
10. Կետոեւ Գեորգի, ազատ ըմբշամարտ, աշխարհի առաջնություն՝ 3-րդ տեղ:
11. Կիրակոսյան Տիգրան, սամբո, աշխարհի առաջնություն՝ 1-ին տեղ, Եվրոպայի առաջնություն՝ 1-ին տեղ, աշխարհի սուպերգավաթ՝ 1-ին տեղ:
12. Մանուկյան Մաքսիմ, սամբո, աշխարհի առաջնություն՝ 3-րդ տեղ, Եվրոպայի առաջնություն՝ 3-րդ տեղ:
13. Մանուկյան Մաքսիմ, հունահռոմեական ըմբշամարտ, աշխարհի չեմպիոն:
14. Մարտիրոսյան Սիմոն, ծանրամարտ, Եվրոպայի չեմպիոն, Համաշխարհային ունիվերսիադա՝ 1-ին տեղ, երիտասարդների աշխարհի չեմպիոն, երիտասարդների Եվրոպայի չեմպիոն:
15. Մերդինյան Հարություն, մարմնամարզություն, Եվրոպայի առաջնություն՝ 3-րդ տեղ:
16. Մինասյան Գոռ, ծանրամարտ, Եվրոպայի առաջնություն՝ 2-րդ տեղ, Համաշխարհային ունիվերսիադա՝ 1-ին տեղ, երիտասարդների Եվրոպայի չեմպիոն:
17. Միքայելյան Սերգեյ, դահուկային սպորտ, Համաշխարհային ձմեռային օլիմպիադա՝ 3-րդ տեղ:
18. Մխիթարյան Հենրիխ, ֆուտբոլ, Հայաստանի ազգային հավաքականի ավագ, «Մանչեսթեր Յունայթեդի» կազմում ՈՒԵՖԱ-ի Եվրոպա լիգայի գավաթակիր, Անգլիայի լիգայի գավաթակիր:
19. Մխիթարյան Գրիգոր, սամբո, Եվրոպայի առաջնություն՝ 2-րդ տեղ:
20. Մկրտչյան Լիլիթ, հրաձգություն, Եվրոպայի առաջնություն՝ 2-րդ տեղ:
21. Սարգսյան Սարգիս, ուշու, աշխարհի առաջնություն՝ 3-րդ տեղ:
22. Ստեփանյան Էդգար, հեծանվասպորտ, Եվրոպայի առաջնություն՝ 11-րդ տեղ, աշխարհի գավաթի առաջնություն՝ 2-րդ տեղ:
23.Վարազդատյան Սերգեյ, թաեքվոնդո, Համաշխարհային ունիվերսիադա՝ 3-րդ տեղ:
24. Վարդանյան Խաչիկ, սամբո, աշխարհի առաջնություն՝ 2-րդ տեղ:
25. Ֆրանգուլյան Վոլոդյա, ազատ ըմբշամարտ, Եվրոպայի առաջնություն՝ 3-րդ տեղ:
ԱՇՈՏ ՀԱԿՈԲՅԱՆ
«Առավոտ»
20.12..2017
