Քիչ առաջ վառվել են Գյումրու պատմական կենտրոնի ամենակոլորիտով փողոցի՝ Ռուսթավելու անվան փողոցի լույսերը։
Հիշեցնենք, որ այս փողոցը վերանորոգվեց վարչապետ Կարեն Կարապետյանի՝ Գյումրու «Կումայրի» արգելոցը տուրիզմի կենտրոնի վերածելու ծրագրով։
Ակնհայտ է, որ այն դարձել է ոչ միայն գյումրեցիների, այլ կառավարության ղեկավարի ամենասիրելի տեղանքներից մեկը։ Նա, Գյումրի ոտք դնելուն պես, պարտադիր ոտքով պիտի ճեմի «Կումայրի» արգելոցի տարածքով ու հատկապես այս փողոցով։
Այն կարելի է համարել Գյումրու ամենաշքեղ զարդարված փողոցը, միայն թե ցավալի է, որ այս գունեղ, ուրախ փողոցից դուրս լրիվ այլ Գյումրի է՝ ցեխաշախաղ ու մռայլ Գյումրի։
Նունե ԱՐԵՎՇԱՏՅԱՆ
Լուսանկարները՝ Գյումրու քաղաքապետարանի
