«Կարծում եմ, որ ԵՄ որեւէ անդամ պետությունում ազգային մակարդակով դժվարություն չի լինի փաստաթուղթն անցկացնելու, դրանից հետո, երբ գա Եվրոպական խորհրդարան, վերջնական կվավերացվի»,- Հայաստանի խորհրդարանում մամուլի ասուլիսի ժամանակ հայտարարեց ԵՄ-Հայաստան խորհրդարանական համագործակցության հանձնաժողովի համանախագահ Սաջադ Քարիմը: Լրագրողները հետաքրքրվել էին` ե՞րբ է վավերացվելու ՀՀ-ԵՄ համաձայնագիրը:
Բանախոսն ընդգծեց`Հայաստանն առաջին երկիրն է, որ ԵԱՏՄ անդամ լինելով, նաեւ խորը հարաբերութուններ է ձեւավորում ԵՄ-ի հետ. «Մի հարաբերությունը չի հակասում մյուսին: Հայաստանը ցույց է տալիս, որ ի զորու է սեփական որոշումներ կայացնել իբրեւ ինքնիշխան պետություն`շատ հստակ ձեւակերպված ունենալով իր հավակնությունների սկզբունքը եւ ապագայի տեսլականը»:
Անդրադառնալով Արցախ այցելության համար եվրոպացի պատգամավորների` ադրբեջանական սեւ ցուցակներում հայտնվելուն, Սաջադ Քարիմը նշեց, որ ԵԽ անդամներն ազատ են խորհրդարանական գործունեություն իրականացնել: Ասաց նաեւ, որ Արցախ այցելելիս ԵԽ պատգամավորները պետք է հստակ նշեն, թե ինչ կարգավիճակով են այցելում:
Նելլի ԳՐԻԳՈՐՅԱՆ
