Գյուղատնտեսության փոխնախարար Աշոտ Հարությունյանը այսօր ԱԺ-ում ներկայացրեց Տեղական ինքնակառավարման մասին ՀՀ օրենքում լրացում կատարելու նախագիծը: Նրա հիմնավորմամբ՝ նախագծով առավել անվտանգ սնունդ ենք ունենալու:
ԱԺ փոխնախագահ, «Ծառուկյան» խմբակցության պատգամավոր Միքայել Մելքումյանը նրան հարցրեց՝ «Երեկ ես հեռուստատեսությամբ նկատեցի, որ քաղաքի կենտրոնի վաճառակետերում հայտնվել է ձիու եւ ավանակի իս, համապատասխան քրգործեր են հարուցվել: Ո՞նց է դա պատահել, կարո՞ղ եք մեզ բացատրել: Ո՞վ է ի վերջո պատասխանատու, եթե մեր վաճառակետում ձիու կամ ավանակի մսամթերք է հայտնվում»:
Փոխնախարարը պատասխանեց, որ դա կատարվել է օրենքի խախտումով եւ հայտնաբերվել է համապատասխան ծառայության կողմից. «Լինում են դեպքեր, երբ գողություն էլ է արվում, ո՞նց է արվում, նշանակում է բռնվելու դեպքում պատժվում է: Այս դեպքում էլ ինչ-որ մեկը ձեռք է բերել այդ կենդանիների միսը եւ փորձել է վաճառել, համապատասխան ծառայությունները հայտնաբերել են եւ կանխարգելել: Սրա տրամաբանական շարունակությունն է, որ մենք ուզում ենք, որ ինստիտուտը ուժեղանա, որ արդեն համայնքից դուրս եկող անասնական ծագման մթերքը կրկնակի վերահսկողություն անցնի, հսկողություն լինի` ներգրավելով նաեւ համայնքային ուժերը, որպեսզի շուկայում հնարավորինս բացառվեն նման դեպքերը»:
Հռիփսիմե ՋԵԲԵՋՅԱՆ
