Երևանի քաղաքապետարանի աշխատակազմի ընտանիքի, կանանց և երեխաների իրավունքների պաշտպանության բաժինը կազմակերպել է միջոցառումներ, որոնց նպատակն է աջակցել կյանքի դժվարին իրավիճակում գտնվող և հաշմանդամություն ունեցող երեխաներին: Դրանցից մեկն իրականացվել է «Բարի մամա» հասարակական բարեգործական կազմակերպության հետ համատեղ՝ շուրջ 120 երեխաների համար, որի ժամանակ երեխաները նաև ստացել են ամանորյա նվերներ՝ քաղցրավենիք և հուշանվերներ:
Ավան վարչական շրջանի մշակույթի տանն էլ կազմակերպվել է ձեռքի աշխատանքների ցուցահանդես-մրցույթ՝ Երևանի մի քանի հատուկ դպրոցների շուրջ 130 աշակերտների համար: Այստեղ ևս երեխաներին հաճելի անակնկալ էր սպասվում. միջոցառման ավարտին նրանք ստացել են ամանորյա նվերներ՝ ձմեռային գլխարկներ, քաղցրավենիք, օծանելիք:
Երևանի քաղաքապետարանի տեղեկատվության և հասարակայնության հետ կապերի վարչություն
