ԱԺ պետաիրավական եւ մարդու իրավունքների պաշտպանության հարցերի հանձնաժողովում այսօր քննարկում էին ՀՀ քրեական դատավարության օրենսգրքում փոփոխություններ եւ լրացումներ կատարելու նախագիծը: Այս լրացումներով եւ փոփոխություններով սահմանվում են անձի ձերբակալման բողոքարկման ժամկետների հնարավորությունները: Պատգամավորներն առաջարկում են անազատության մեջ գտնվող մարդու համար սահմանել բողոքարկման սեղմ ժամկետներ. ասենք, ոչ ուշ, քան 48 ժամը եւ այն քննարկել 12 ժամվա ընթացքում: Իսկ եթե բողոքը ներկայացվել է ձերբակալությունից հետո 60 ժամվա ընթացքում, ապա այն քննվում է ողջամիտ ժամկետում:
Բուռն քննարկվեց նաեւ մերձավորի եւ ազգականի դեմ ցուցմունք տալու մասին դրույթը: Կառավարությունն առաջարկում է, որ մարդը հրաժարվի իր մերձավորի կամ հարազատի դեմ ցուցմունք տալուց, եթե գտնում է, որ դա ողջամտության սահմաններում կարող է իր դեմ օգտագործվել: «Իրավակիրառական գործընթացում խնդիր ենք ունենալու`ասելու են ցուցմունքը տուր, հետո մենք կորոշենք`ողջամիտ է, թե՞ ոչ»,- ասաց «Ելք» խմբակցության պատգամավոր Արտակ Զեյնալյանը:
Էդմոն Մարուքյանն էլ նկատեց`իրենք դեռ սահմանադրական փոփոխությունների ժամանակ են ասել, որ առաջարկվող փաթեթը ռեգրես է մարդու իրավունքներից:
Մանրամասները`տեսանյութում
Նելլի ԳՐԻԳՈՐՅԱՆ
