«Ցավում եմ, որ 25 տարի անց Արցախյան հակամարտությունը դեռևս լուծված չէ»,-այս մասին այսօր ԵՊՀ ուսանողների հետ հանդիպմանն ասաց ՆԱՏՕ-ի գլխավոր քարտուղարի տեղակալ Ռոուզ Գոթեմյոլլերը: Նա վստահություն հայտնեց, որ Արցախյան հակամարտության լուծումը դրական կազդի ողջ տարածաշրջանի կայունության վրա:
«Ողջունում ենք այն փաստը, որ դիվանագիտական դաշտում ջանքեր են գործադրվում: Մենք հուսով ենք, որ առաջիկայում դրանք արդյունք կտան: Ինքս կարող եմ ասել, որ ՆԱՏՕ-ն հակամարտությունը լուծելու գործում նոր փուլ տեսնելու հույս ունի»:
ՆԱՏՕ-ի գլխավոր քարտուղարի տեղակալը դրական գնահատեց այն փաստը, որ վերջերս Վիեննայում արտգործնախարարների հանդիպում տեղի ունեցավ. «Դա շատ լավ է: Դրական է այն փաստը, որ ԱՄՆ-ն բարձր մակարդակով ներգրավված է ԵԱՀԿ Մինսկի խմբի համանախագահության կազմում՝ ՌԴ արտգործնախարար Սերգեյ Լավրովի եւ ֆրանսիական կողմի հետ միասին»:
Լուիզա ՍՈՒՔԻԱՍՅԱՆ
