«Այս պահին տեսանելի չեն այն այլընտրանքները, որոնք կարող էին ԵԱՀԿ Մինսկի խմբի համանախագահության շրջանակներին փոխարինել: Ըստ էության, վերջերս ՀՀ-ի եւ ԵՄ-ի միջեւ ստորագրված համաձայնագրով անվտանգության տեսանկյունից չկան խորքային էական ազդակներ, որոնք կարող էին ենթադրել վերափոխումներ եւ ամրագրել Արցախյան հակամարտության լուծման կառուցողական խաղաղ գործընթացը»,- «Առավոտ»-ի հետ զրույցում ասում է «Նորավանք» գիտակրթական հիմնադրամի վերլուծաբան, քաղաքագետ Կարեն Վերանյանը:
Նրա խոսքով՝ չնայած համաձայնագրի ստորագրմանը, Ադրբեջանն ապակառուցողական մոտեցումներով հնարավորինս կխոչընդոտի միջազգային հանրության մոտեցումներին, որոնք կառուցողական դիրքերից են բխում: «Որքան էլ ասվում է, որ կողմերին փորձում են բերել բանակցային սեղանի շուրջը, տարածաշրջանային գործընթացներում ԱՄՆ-Ռուսաստան եւ Ռուսաստան-ԵՄ խորքային խնդիրները չեն կարող չանդրադառնալ բանակցային գործընթացի վրա»,- շեշտում է քաղաքագետը:
Լուիզա Սուքիասյան
«Առավոտ»
16.12..2017
