Դեկտեմբերի 11-ից 15-ը Հայաստանում էին գտնվում երկու փորձագետ՝ Լիտվայից և Սլովենիայից՝ երկրի իշխանությունների հետ ԵՄ-ի փորձով կիսվելու նպատակով: Փորձագետները ներկայացրեցին ոչ պարենային ապրանքների շուկայի վերահսկողության ոլորտում ռիսկերի գնահատումն ու որակի ապահովումը կարգավորող ԵՄ օրենսդրությունը:
Փորձագիտական առաքելությունը կազմակերպվել էր Եվրոպական հանձնաժողովի Տեխնիկական աջակցության և տեղեկատվության փոխանակման գործիքի (TAIEX) կողմից՝ Հայաստանի Հանրապետության տնտեսական զարգացման նախարարության հետ համագործակցությամբ:
Համաձայն TAIEX-ի տրամադրած տեղեկատվության՝ գիտելիքների փոխանակման գործընթացը, առաջին հերթին, կենտրոնացել էր արտադրանքի անվտանգության ընդհանուր դրույթների մասով ԵՄ հրահանգի (2001/95/EC) իրավական և նորմատիվային պահանջների, ինչպես նաև այլ ենթաօրենսդրական ակտերի վրա, որոնք վերաբերում են շուկայի վերահսկողության պահանջներին ու արտադրանքի միջսահմանային մարքեթինգի գործընթացում ազգային տեխնիկական կանոնների կիրառմանը:
Ընդհանուր առմամբ, առաքելությունն անդրադարձավ տեխնիկական օրենսդրության կիրառման, ռիսկերի հաշվարկման և որակի ապահովման մեթոդների, ռիսկերի գնահատման իրականացման, ինչպես նաև որակի ապահովման և ստուգման բաժինների միջև հաղորդակցման հարցերում Եվրոպայում ներկայումս առկա լավագույն փորձերի ներկայացմանը:
Սույն հոդվածը պատրաստվել է «ԵՄ Արևելյան հարևանություն» ծրագրի շրջանակներում: Հոդվածում արտահայտված կարծիքները պատկանում են բացառապես դրա հեղինակին:
EU NEIGHBOURS east
