Անդրադառնալով Սերժ Սարգսյանի այն հայտարարությանը, թե մինչեւ հիմա ինքը ներողամիտ է եղել թալանչի գյուղապետների հանդեպ՝ ՀՀԿ խմբակցության քարտուղար Գագիկ Մելիքյանն ասել է. «ներվել են բոլոր նրանք, ովքեր անկախ իրենց կամքից են նման իրավիճակներում հայտնվել»։
«ՉԻ» – Իսկ մեզ թվում էր՝ միայն Շուրա Բալագանովը կարող էր անկախ իր կամքից գողություն անել ու հետո արդարանալ՝ «կոմանդոր, ես ակամա…»։ Պարզվում է՝ ոչ, Հայաստանի համայնքների ղեկավարներն էլ են այդպիսի իրավիճակներում հայտնվել:
Ասենք՝ աշխատանքից տուն գնալիս մտել են խանութ, որ երեխաների համար կոնֆետ առնեն, տարել են տուն, ու պարզվել է՝ ինչ կոնֆետ, ինչ բան, համայնքային բյուջեի փողերն են։
Կամ՝ երկու շիշ հանքային ջրի փոխարեն սխալմամբ դիզվառելիք են տարել տուն։ Տասնհինգ տոննա։ Շաբաթը մեկ։ Կամ՝ համայնքի ամենաբերրի հողերը սխալմամբ իրենք են վարձակալել։ Անկախ իրենցից։ Հետո էլ դե սխալն ուղղելու ժամանակ չի եղել։
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
