«Էխո Մոսկվի» ռադիոկայանի լրագրող Տատյանա Ֆելգենգաուերը այսօր Ռուսաստանի նախագահի ամենամյա ամփոփիչ մամուլի ասուլիսին հարց է տվել Վլադիմիր Պուտինին օրենքի գերակայության, ինչպես նաև գոյություն ունեցող «տարբեր իրավական իրականությունների մասին»: Նա օրինակ է բերել Իգոր Սեչինի կողմից դատարան չներկայանալու փաստը և Օլեգ Նավալնիի գործը:
«Համաձայն եմ, որ խնդիրները շատ են, բայց չեմ կարող համաձայնել, որ մեզ մոտ գոյություն ունեն տարբեր իրավական իրականություններ… Իսկ վերաբերում է նրան, որ ինչ-որ մեկը բանտում է, և դուք դա համարում եք չհիմնավորված, քննչական մարմինները դա համարում են հիմնավորված: Նման դեպքերում խնդիրը կարող է լուծել միայն մեկ մարմին՝դատարանը»,- ասել է Պուտինը՝ հավելելով, որ Ռուսաստանը կշարունակի ամրապնդել դատական-իրավական համակարգը:
Պատրաստեց՝ Վիկտորյա ԱՆԴՐԵԱՍՅԱՆԸ
