Այսօր կառավարության նիստից հետո լրագրողների հետ ճեպազրույցում Ջրային տնտեսության պետական կոմիտեի ղեկավար Արսեն Հարությունյանը փորձում էր համոզել, որ ՌԴ սահմանապահների հետ համաձայնության չգալու վերաբերյալ որոշման նախագծում վրիպակ է եղել:
Հարությունյանը պնդում էր, որ ՌԴ սահմանապահների հետ որեւէ բանակցություն չի եղել եւ խնդիրը նրանց հետ չէ: Հարությունյանն ասաց, որ լրագրողներն են սխալ հասկացել: Մինչդեռ լրագրողները անմիջապես ընթերցեցին որոշման նախագծի հենց այն հատվածը, որի մասին խոսք է գնում: Սա լսելուց հետո Հարությունյանը կրկին պնդեց՝ վրիպակ է եղել, սխալ եք հասկացել:
Մանրամասներն առաջիկայում:
Նելլի ԲԱԲԱՅԱՆ
