Երկու տարի է, ինչ Տավուշի մարզի սահմանամերձ Ոսկեպար գյուղ գազատար է անցկացվել, սակայն գյուղացիները բնական գազ չեն ստանում, քանի որ հնարավորություն չունեն գազատարից դեպի իրենց առանձնատներ խողովակագծեր անցկացնելու աշխատանքների համար վճարելու: Այժմ խնդիրը լուծվում է, ծննդով Ոսկեպարից, Ռուսաստանի Դաշնությունում բնակվող գործարարներից մեկը ստանձնել է վճարել այդ ճյուղավորումներն անցկացնելու ծախսերի գումարը:
59-ամյա գործարարը չի ցանկանում, որ իր անունը հրապարակվի: Ոսկեպարի վարչական ղեկավար Սերոբ Մախսուդյանն ասաց, որ այժմ նախահաշվարկ է կատարվում, գյուղի տների գազաֆիկացումը կկատարվի 2 փուլով: Դեռ ճշտված չէ գումարի չափը, որ պետք է ծախսվի այդ նպատակով, սակայն ոսկեպարցի բարեգործը պատրաստակամ է այն վճարելու:
Ոսկան ՍԱՐԳՍՅԱՆ
