«Եթե ուզում ես հավակնել բարձր տնտեսական աճի, պիտի շատ ավելի արագ բարեփոխում իրականացնես»,- սա ՀՀ ֆինանսների նախարար Վարդան Արամյանի կարծիքն է`նախագահ Սերժ Սարգսյանի`իր գնահատմամբ տված ցուցումի մասին:
Շաբաթ օրը ՀՀ նախագահ Սերժ Սարգսյանը ելույթ ունենալով Հայաստանի համայնքների միությունում՝ իր ելույթում, մասնավորապես, ասել էր. «Մի քանի տարի հետո մենք հասնելու ենք 10 հազար դոլարին համարժեք մեկ շնչի հաշվով ՀՆԱ-ի: Դա ենթադրում է նոր որակի ենթակառուցվածքներ եւ համայնքային ինստիտուտներ, ինչպես նաեւ ֆինանսավորման այլընտրանքային եւ նորարարական մոտեցումներ»:
Վարդան Արամյանն ասում է, որ Սերժ Սարգսյանի կողմից հրապարակված որեւէ ցուցանիշ ինքը միշտ ընդունում է որպես հանրապետության նախագահի կողմից տրվող ցուցում: Այդ ցուցումը նախարարի համար նշանակում է`«պետք է ավելի բարձր ցուցանիշներ ունենանք եւ ջանքեր գործադրենք դրա համար»:
Նելլի ԳՐԻԳՈՐՅԱՆ
