Հանրային հնչեղություն ունեցող «օֆշորի գործը» դատական նոր փուլում է։ Մեղադրյալ Աշոտ Սուքիասյանի պաշտպանները վերաքննիչ բողոք են ներկայացրել։ Պաշտպան Կարեն Հակոբյանի պնդմամբ՝ Հայաստանի Հանրապետությունում որոշակի խոչընդոտներ են ստեղծվում ներդրումային ծրագրերի համար։
«Աշոտ Սուքիասյանը զբաղվել է ձեռնարկատիրական գործունեությամբ, որի արդյունքում կատարել է բիզնես ծրագրով նախատեսված 4 տարվա ծրագիրը մեկ տարում, սակայն այժմ նա ունի մեղադրյալի կարգավիճակ։ Նրա կողմից պետք է ստեղծվեր շուրջ 10 հազար աշխատատեղ։ Սույն գործով արդեն կայացվել է դատական ակտ։ Վերջինս դատապարտվել է 16 տարվա ազատազրկման այն բանի համար, որ նա փորձել է բիզնեսով զբաղվել Հայաստանի Հանրապետությունում։ Նա դատապարտվել է խարդախության, փողերի լվացման և հարկերից խուսափելու համար։ Փաստացի՝ դատական ակտում բացակայում են այդ հանգամանքները։ Դրանով էլ պայմանավորված՝ ներկայացրել ենք վերաքննիչ բողոք»,- նշում է Կարեն Հակոբյանը։
Մանրամասն՝ կարդացեք այստեղ
