ՄՕԿ-ի գործկոմի նիստի ավարտից հետո նախագահ Թոմաս Բախը հայտարարել է, որ 2024 թվականին կայանալիք ամառային օլիմպիական խաղերում ծանրամարտի կարգավիճակը չի փոխվի:
Դեռ հունիսին Բախը հայտարարել էր, թե ծանրամարտը կարող է հանվել 2024 թ. օլիմպիական խաղերի ծրագրից, եթե մարզաձեւի միջազգային ֆեդերացիան պատշաճ կերպով չպայքարի դոպինգի դեմ: Նույն ամսին ՄՕԿ-ը 2020 թվականի օլիմպիական խաղերից սկսած տղամարդկանց ծրագիրը կրճատել էր մեկ քաշային կարգով՝ կանաց պայքարում ավելացնելով մեկ քաշային կարգ:
«Մենք դիմել ենք ծանրամարտի միջազգային ֆեդերացիային, որպեսզի վերջինը դոպինգի դեմ պայքարի լրացուցիչ հաշվետվություն ներկայացնի մինչեւ 2018 թվականի հունիսը, որպեսզի ՄՕԿ-ի գործկոմը շարունակի քննարկել IWF-ում գործերի վիճակը», – ավելացրել է ՄՕԿ-ի նախագահը:
Աշոտ ՀԱԿՈԲՅԱՆ
