Օլիմպիական եռակի չեմպիոն Ալբերտ Ազարյանը անթույլատրելի է համարում ՌԴ օլիմպիական հավաքականին ձմեռային օլիմպիական խաղերին մասնակցել չթույլատրելու ՄՕԿ-ի գործկոմի որոշումը եւ համարում է, որ Ռուսաստանի մարզիկները պետք է հանդես գան իրենց երկրի դրոշի ներքո:
«Իմ կարծիքով դա անհավանական վճիռ է: Թող մասնակցեն նախապես մանրակրկիտ դոպինգ ստուգում անցնելով: Ամոթալի չէ՞ Ռուսաստանի թիմին թույլատրել մասնակցել օլիմպիական խաղերին՝ նրան ոչ ռուսական համարելով: Պետք է լինի դրոշ եւ պետք է հայտարարվի, որ նրանք ռուսաստանցի մարզիկներ են: Սա օլիմպիական խաղեր է, որ անցկացվում է չորս տարին մեկ անգամ: Ինչպե՞ս կարելի է վիրավորել Ռուսաստանի արժանապատվությունը», – ասել է Ալբերտ Ազարյանը РИА Новости-ին:
Աշոտ ՀԱԿՈԲՅԱՆ
