«ԵԱՀԿ Մինսկի խմբի ձեւաչափում կտրուկ փոփոխություններ հնարավոր չեն՝ ոչ կազմի ընդլայնում, ոչ էլ խմբի ներսում հակասությունների խորացում»-Aravot.am-ի հետ զրույցում անդրադառնալով Արցախյան հակամարտության կարգավորման ներկայիս փուլին, ասաց Երեւանի մամուլի ակումբի նախագահ Բորիս Նավասարդյանը:
Նա նշեց, որ Ռուսաստանը միաժամանակ ձգտելու է ՄԽ կազմում ունենալ հատուկ դեր՝ հանդես գալով որոշակի նախաձեռնություններով. «Նա ձգտելու է լինել միակ միջնորդը՝ Ադրբեջան-Հայաստան երկխոսության ձեւաչափում»:
Ըստ Նավասարդյանի՝ Արցախյան հակամարտության համատեքստում ռուսական դերի հետ կապված Թուրքիայի եւ Ադրբեջանի ակնկալիքները չափազանցված են:
«Նրանք կարծում էին, թե Ռուսաստանը ՀՀ-ին զիջումներ է պարտադրելու, բայց Լավրովի՝ Երեւանում արած հայտարարությունները փաստում են. այն, ինչ ակնկալում էր Ռուսաստանն Ադրբեջանից՝ եվրասիական տարբեր գործընթացների մեջ ներգրավում, Ադրբեջանը պատրաստ չէ իրականացնել»,-նկատեց Բորիս Նավասարդյանը:
Մանրամասն՝ տեսանյութում:
Լուիզա ՍՈՒՔԻԱՍՅԱՆ
