Երևանի պետական համալսարանի Մշակույթի կենտրոնի դահլիճում օրերս տեղի ունեցավ «Հին հայկական տարազ» խորագրով զրույց-դասախոսություն` տեսացուցադրությամբ, ՀՀ վաստակավոր նկարիչ, դոցենտ, գեղանկարիչ և թատերանկարիչ Աշոտ Համբարձումյանի հետ:
Նա ներկայացրեց հայկական տարազի առանձնահատկությունները ըստ տարածաշրջանների՝ տարազը որպես հագուստ և նրա կիրառական նշանակությունը, տեսակները հասարակության շերտերի ու խավերի, ձևվածքների յուրահատկություններն ու դետալային մշակումը: Խոսեց նաեւ տարազի ազգային առանձնահատկությունների, օտար ժողովուրդների տարազների ազդեցության մասին: Ցուցադրվեցին տարազը ամբողջական դարձնող տարրեր, գլխարկ, գոտի քսակ, գոգնոց, թևնոց և այլ պարագաներ:
Աշոտ Համբարձումյանը ցուցադրություններ է իրականացրել եվրոպական որոշ երկրներում, մասնավորապես Ֆրանսիայում: Նա մեզ հետ զրույցում ասաց. «Մինչ ցուցադրությունը հանդիպեցի նաեւ կիրակնօրյա «Կարմիչ խաչ» դպրոցի աշակերտների հետ, երեխաները ծանոթացան հայկական տարազներին,հատկապես նրանց հետաքրքրեցին մանկական տարազները: Ցուցահանդեսն էլ հաջողված էր,մարդիկ մոտենում էին ինձ և խորհուրդներ հարցնում»:
Վարսիկ ՍԱՀՐԱԴՅԱՆ
