Աջափնյակ եւ Դավիթաշեն վարչական շրջանների ընդհանուր իրավասության դատարանում էքստրասենս Անի Մաջնունյանի սպանության գործով դատական նիստն այսօր չի կայացել, քանի որ մեղադրյալ Մուշեղ Մխիթարյանի ինքնազգացողությունը վատացել է, շտապօգնություն են կանչել: Այս մասին Aravot.am-ին տեղեկացրեց Մուշեղ Մխիթարյանի շահերի պաշտպան, փաստաբան Մարինե Ֆարմանյանը:
Նա նաեւ նշեց, որ առաջիկա նիստում նախատեսվում է դատախազի կողմից մեղադրական ճառի հրապարակումը:
Հիշեցնենք, որ Անի Մաջնունյանի սպանության մեջ մեղադրվում է «Յանուս» արտիստական թատրոնի տնօրեն եւ ռեժիսոր Մուշեղ (Մոս) Մխիթարյանը:
Լուիզա ՍՈՒՔԻԱՍՅԱՆ
