Որպես հակաճիճվային միջոց հայտնի է դդմի սերմերից եւ մեղրից պատրաստված խառնուրդը: Դդմի չոր, բայց ոչ բոված սերմերը մաքրել այնպես, որ պահպանվի գորշ կանաչավուն թաղանթը: Սերմերն անցկացնել մսաղացով, ավելացնել 2 ճաշի գդալ մեղր եւ խառնել կաթի հետ: Մեծահասակների համար օգտագործել 200-300 գրամ դդմի սերմ, իսկ երեխաների համար՝ 75-100 գրամ: Ստացված խառնուրդը ընդունել քաղցած վիճակում, անկողնում պառկել մոտ մեկ ժամ: Ընդունումից 3 ժամ հետո հիվանդին տալ լուծողական եւ 30 րոպե հետո հոգնա անել:
Որպես հակաճիճվային միջոց կարող եք պատրաստել նաեւ օշինդրով. 1 թեյի գդալ մանրացված բույսին ավելացնել 2 բաժակ եռման ջուր, թրմել 20 րոպե, քամել: Ընդունել 3 ճաշի գդալ՝ առավոտյան, սոված փորին եւ երեկոյան քնելուց առաջ, 10 օրվա ընթացքում:
Տանձի սերմերը օգտակար են իբրեւ գործուն ճիճվաթափ միջոց: Տափակ եւ երկարավուն ճիճուների դեպքում անհրաժեշտ է պարբերաբար ուտել մեղրով ընկույզ:
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ»
06.12..2017
