«Բանակն իրականում» նախաձեռնության անդամ Զարուհի Հովհաննիսյանի կարծիքով՝ «Սահմանված կարգի խախտմամբ պարտադիր զինծառայություն չանցած քաղաքացիների մասին» օրենքի ընդունմամբ փակվեցին Հայաստանը լքած երիտասարդների հայրենիք վերադարձի դռները:
«Նմանատիպ կոշտ կանոնների սահմանումը նաեւ նպաստելու է երիտասարդների չվերադառնալուն, քրեական պատասխանատվությունից ազատվելու համար սահմանված տույժ-տուգանքներն էլ բավականին մեծ են ու բավականին լուրջ ֆինանսական բեռ է լինելու այն մարդկանց վզին, որոնք արտասահմանում են գտնվում ու ինչ-որ պահի ցանկանում են վերադառնալ Հայաստան:
Չէ որ հիմնականում արտագաղթում են նրանք, որոնք արտագնա աշխատանքի են գնում, հանապազօրյա հացի խնդիր լուծելու: Այս օրինագծով քաղաքացու կապն իր երկրի հետ կարող է ամբողջովին կտրվել: Սա լուրջ խնդիր է, ի վերջո, մարդիկ չունենային սոցիալական, ֆինանսական խնդիր, պարզապես չէին արտագաղթի»,- ասաց Զարուհի Հովհաննիսյանը:
Արփինե ՍիՄՈՆՅԱՆ
Լավ ենթադրենք համաներում հայտարարեցին, բոլոր բանակից փախածները վերադարձան օգտվեցին։
Որնա երաշխիքը, որ 2շաբաթ հետո նորից չեն լքելու երկիրը արդեն վերջնական ու անվերադարձ՞
Մյուս կողմից ուրիշները 2տարի անվճար ծառայում են, իսկ ծառայությունից խուսափածը էտ երկու տարում աշխատումա։
Էտ 2տարվա աշխատածը թող վճարի։
Իսկ եթե 2տարում 3,6միլիոն դրամ այսինքն ամիսը 150հազար դրամ չի աշխատում, ուրեմն ստացվումա անբաշար մարդա դրսումել ոչ մի բան չի անում։