Այսօր ԱԺ-ում ընտանեկան բռնության կանխարգելման աղմկահարույց օրենքի նախագծի քննարկման ժամանակ «Ելք» խմբակցության ղեկավար Նիկոլ Փաշինյանը ուշագրավ դեպք պատմեց, թե ինչպես է պատահաբար տեսել, որ «Վստրեչի» կամրջի վրա մի տղամարդ «զխկել» է իր կնոջը:
Նա ասաց. «Մեր ազգային ավանդույթները ո՞րն է, մի հատ եկեք ձեւակերպենք: Ազգային ավանդույթը հայրը եւ մայրն են, ովքեր որոշում են, թե տղեն ու հարսը շաբաթը քանի անգամ պետք է սեքսով զբաղվեն ու ինչ դիրքո՞վ: Դա՞ է մեր ազգային ավանդույթները, դուք գիտե՞ք, որ նման երեւույթներ կան մեր ընտանիքներում: Կամ մանկական կոմպլեքսներով կյանքում չկայացած մեկը ստիպում է, որ իր ընտանիքի անդամները բառի բուն եւ փոխաբերական իմաստով իր անլվա ոտերը պաչեն: 1 տարի առաջ անձամբ Վստրեչի կամրջով մեքենայով անցնում եմ, տեսնեմ մի երիտասարդ տղամարդ զխկում է մի երիտասարդ կնոջ: Իջել եմ, ասում եմ՝ արա, էս ի՞նչ ես անում, սենց ա անում՝ կնի՛կս ա: Այսինքն, որ կնիկն ա, իրեն կարելի է զխկել Վստրեչի կամրջի վրա: Սա ուղղակի անթույլատրելի երեւույթ է»:
Ըստ Փաշինյանի, մենք 700 տարի պետականություն չենք ունեցել եւ մեր շատ ավանդույթներ ձեւավորվել են գերված ժողովրդի պայմաններին համապատասխան: Հիմա մենք անկախ պետականություն ունենք եւ մեր ընտանիքների կազմակերպումը պետք է լինի ըստ այդմ, ամեն հիմարություն պետք չի համարել ազգային ավանդույթ:
Հռիփսիմե ՋԵԲԵՋՅԱՆ
