2016թ. ոստիկանության ՊՊԾ գունդը գրաված եւ մի շարք ծանր հանցագործությունների մեջ մեղադրվող «Սասնա ծռեր» խմբի անդամներից Պավել Մանուկյանի, Վարուժան Ավետիսյանի, Մխիթար Ավետիսյանի, Արայիկ Խանդոյանի, Գագիկ Եղիազարյանի, Արմեն Բիլյանի, Արեգ Կյուրեղյանի, Սմբատ Բարսեղյանի, Սեդրակ Նազարյանի եւ Էդվարդ Գրիգորյանի գործով այսօրվա դատական նիստում ուշագրավ է դատավոր Մեսրոպ Մակյանի սեղանի առաջ դրված մեկ այլ սեղանը:
Վրան մեղադրական եզրակացության հատորներն են՝ դասավորված մի քանի շարքով: Այս գործով մեղադրական եզրակացության ծավալը 75 հատոր է:
Հավելենք, որ այսօրվա նիստում դահլիճից հեռացվեց Արայիկ Խանդոյանը՝ մինչեւ այն պահը, երբ մյուս ամբաստանյալները դիրքորոշում կարտահայտեն մեղադրական եզրակացությունների առնչությամբ: Սանկցիայի պատճառը Խանդոյանի կողմից անպարկեշտ արտահայտություններն էին:
Լուիզա ՍՈՒՔԻԱՍՅԱՆ
