Զարկերակային արյան ճնշման բարձրացման դեպքում օգտակար է 800 գրամ խնձորն աղալ, վրան ավելացնել եռացրած ջուր, 20 գրամ խմորիչ՝ դրոժ, 10 գրամ պատատուկի արմատ, 100 գրամ մեղր, 10 գրամ շեկ հող, 40 գրամ սեւ հաց, թողնել 10 օր: Որից հետո քամել, նորից ավելացնել 100 գրամ մեղր, լավ խառնել եւ թողնել թթվի: Թթվելուց հետո 200 գրամ եռացրած ջրին ավելացնել 1 ճաշի գդալ ստացված պատրաստուկից եւ 1 թեյի գդալ մեղր, լավ խառնել եւ խմել կումերով, օրը 3 անգամ, ուտելուց հետո:
Այս դեղատոմսը օգտակար է նաեւ լյարդի եւ լեղապարկի հիվանդության, գլխացավի, սեռական թուլության, ճարպակալման, թունավորումների բուժման համար:
Զարկերակային արյան բարձր ճնշման, անոթային կարծրախտի՝ սկլերոզի բուժման համար օգտակար է սխտորն աղալ, գինու քացախով եւ մեղրով շաղախել եւ ընդունել օրը 3 անգամ, մեկական ճաշի գդալ: Սա նաեւ օգտակար է մարսողական ուղու բորբոքային հիվանդությունների բուժման համար:
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ»
05.12..2017
