«Ազգ» թերթի խմբագիր Հակոբ Ավետիքյանի համոզմամբ, Հայաստանի և Եվրամիության միջև համապարփակ և ընդլայնված գործընկերության համաձայնագրի ստորագրումը ՀՀ իշխանությունների բացառիկ աշխատանքի արդյունքն էր:
«Փաստորեն՝ ամենօրյա ջանասիրության արդյունք էր, որը մեզ տալիս է հնարավորություն վերադառնալու մեր ժողովրդի պատմական դերին: Այսինքն՝ այն է, որ մենք անպայման պետք է քաղաքակրթության մեջ լինենք սինթեզող գործոն, այս առումով այս համաձայնագիրը խոստումնալից է»,- այսօր «Տեսակետ» ակումբում ասաց Հակոբ Ավետիքյանը:
Նրա կարծիքով, ՀՀ-ԵՄ համաձայնագրի կետերը կյանքի կոչելու համար քրտնաջան աշխատանք է հարկավոր, թեեւ ինքը ոչ բոլոր կետերի հետ է համաձայն:
Անդրադառնալով համաձայնագրի ստորագրումից հետո ռուսական լրատվամիջոցների հակահայկական հաղորդումներին, որոնցում, ըստ Ավետիքյանի, նույնիսկ վիրավորական արտահայտություններ եղան, նա խորհուրդ է տալիս դրականը տեսնել.
«Դրական է այն առումով, որ ռուսներին հետաքրքրում է, անհանգստացնում է մեր այսօրվա վիճակը: Եթե անհանգստացնում է, ապա պետք է դա ուղղորդենք այնպես, որ դրանից մեր պետությունը շահի: Մյուս կողմից պետք է կարողանանք շատ կտրուկ ձեւով բացատրել մեր դաշնակիցներին, որ եթե մի պահ պատկերացնեն, որ այս տարածքում Հայաստանի դիրքորոշումը ռուսների հետ բարեկամական չլիներ, ՌԴ-ն պետք է հրաժարվեր ու փակեր այն էջը, որ 250 տարի առաջ սկսել էր, այսինքն՝ Կովկասում ինքն անելիք չուներ: Սա պետք է, բաց չեմ կարծում, որ ստացվի»:
Արփինե ՍԻՄՈՆՅԱՆ
