Ռուսաստանը գնահատում է Բելառուսի դիրքորոշումը՝ չքաղաքականացնել «Արևելյան գործընկերության» ձևաչափը Ռուսաստանի հարցով և բնականոն հարաբերություններ զարգացնել Եվրամիության հետ: Այս մասին հայտարարել է Ռուսաստանի արտգործնախարար Սերգեյ Լավրովը, գրում է «ՌԻԱ Նովոստին»:
«Մենք բարձր ենք գնահատում Բելառուսի և «Արևելյան գործընկերության» այլ մասնակիցների կոշտ դիրքորոշումը նման փորձերի (հակառուսական քաղաքականություն իրականացնելու-խմբ.) դեմ»,- ասել է Լավրովը:
Նրա խոսքով՝ Բելառուսը թույլ չի տվել հակառուսական տրամադրվածություն հաղորդել ԱլԳ ամփոփիչ հռչակագրին, և դա վկայում է այն մասին, որ նա ցանկանում է բնականոն հարաբերություններ ունենալ եվրոպական երկրների հետ:
«Մենք որևէ կասկած չունենք Բելառուսի, Հայաստանի և Ադրբեջանի նկատմամբ»,- ասել է Լավրովը:
Պատրաստեց՝ Վիկտորյա ԱՆԴՐԵԱՍՅԱՆԸ
