ԵՄ և «Արևելյան գործընկերության» որոշ երկրների նպատակ ունեն օգտագործել այդ ձևաչափը հակառուսական նպատակների համար, դա անհեռանկարային է: Այս մասին, ինչպես հաղորդում է «ՌԻԱ Նովոստին», հայտարարել է Ռուսաստանի արտգործնախարար Սերգեյ Լավրովը:
«ԵՄ-ի մեջ մտնող որոշ երկրների մոտ ցանկություն կա օգտագործել «Արևելյան գործընկերությունը» հակառուսական նպատակներով: Նրանք շատ չեն, բայց իրենց բավականին ագրեսիվ են պահում: Դա արտահայտվեց, այդ թվում, մի քանի օր առաջ Բրյուսելում «Արևելյան գործընկերության» գագաթնաժողովում Մեծ Բրիտանիայի վարչապետ Թերեզա Մեյի ելույթում»,- ասել է Լավրովը:
Նրա խոսքով՝ «ԵՄ երկրների ճնշող մեծամասնությունը հասկանում է, որ դա կլինի հերթական փորձը անպիտան միջոցներով», և «հակառուսական խայծ գցել ԱՊՀ անդամ-երկրների հետ ցանկացած հարաբերություններում՝ անարդյունավետ է և անհեռանկարային»:
«Մենք, իհարկե, տեսնում ենք՝ ինչպես են իրենց պահում մեր ուկրաինացի, մոլդովացի և վրացի գործընկերները: Բայց կրկնեմ ևս մեկ անգամ, նրանց չի հաջողվի, ես համոզված են, որ չի հաջողվի «Արևելյան գործընկերության» ամբողջ սխեման տանել հակառուսական հունով»,- ասել է Լավրովը:
Պատրաստեց՝ Վիկտորյա ԱՆԴՐԵԱՍՅԱՆԸ
