Եղեգիս գետին սպառնում է ոչ միայն բնական աղետ, այլ նաև կատարյալ ոչնչացում: Եվ դա կատարվում է բնավ ոչ Եղեգիս գետավազանի օրինապահ ՓՀԷԿ-երի պատճառով։ Խնդիրը թևակոխում է առավել սուր փուլ։ Ըստ էության, ի հայտ են գալիս ոլորտում առկա ջրային ռեսուրսների կառավարման խնդիրները հիմնավորող ապօրինություններն ու չարաշահումները, որոնք ոչ միայն ուղղված են տնտեսվարող սուբյեկտների դեմ, որոնք, ըստ երևույթին, չեն կարողանում ստանալ օրենքով սահմանված կարգով տրված ջրային թույլտվություններով նախատեսված ջրային ռեսուրսները` զրկվելով համապատասխան լիցենզավորված գործունեություն իրականացնելու հնարավորությունից և կրելով ծանր ֆինանսական կորուստներ (ինչը կարող է հանգեցնել նաև պետության էներգետիկ համակարգը մատչելի էլեկտրաէներգիայի պաշարից զրկելուն և պետական բյուջե միլիարդավոր դրամների հասնող հարկեր չմուտքագրելուն), այլ նաև ուղղված են ամբողջությամբ գետի բնական հոսքն ամբողջությամբ փոխելուն, այն ցամաքեցնելուն, ի վերջո, գետը քարտեզի վրայից վերացնելուն։
Վերջին տարիներին ոռոգման համակարգի անկանոն ջրառի, մեծաքանակ կորուստների, ինչպես նաև ջրային ռեսուրսների արդյունավետ կառավարմանը միտված ՀՀ կառավարության որոշումների պահանջները չկատարելով և այդ ամենն ամբողջությամբ շրջանցելով՝ ոլորտի որոշ տնտեսվարողներ, ըստ էության, սեփական շահույթներն ապօրինի ավելացնելով և բիզնեսը ծաղկացնելով՝ կարողացել են ոչ միայն ոտնահարել Եղեգիս գետավազանի օրինապահ տնտեսվարողների շահերը, այլ նաև բավական հմուտ կերպով ապատեղեկատվություն տարածելով՝ նպաստել իրավիճակի սրմանը։ Հայաստանը հարուստ է ջրային պաշարներով։ Այստեղ կան մոտ 9480 գետեր, որոնցից 379-ը ունեն 10 կմ-ից ավել երկարություն, և 100-ից ավել լճեր։ Դարեր շարունակ Հայաստանը կոչվել է «գետերի և լճերի երկիր»։
Երկրի տարածքի 4,7%-ը կազմում է ջուրը։ Սակայն որոշ օրինախախտ տնտեսվարող սուբյեկտների կողմից երկրի ընդերքի ջրային ռեսուրսների անփույթ և անօգտակար կառավարումը, չարաշահումներն ու օրինախախտումները, ջրահոսքերի ապօրինի օգտագործումը, այն խթանումն ու սեփական շահերին ծառայեցնելը, ոչ միայն խոչընդոտում է գյուղատնտեսական և բնապահպանական խնդիրների լուծմանը, այլ նաև կարող է ինքնին հանգեցնել բնակլիմայական աղետի և մի շարք օրինապահ տնտեսվարողների սննկացմանը։ Այն նաև մեծ հարված կհասցնի երկրի բյուջեին՝ զրկելով միլիարդավոր դրամների հասնող հարկերի մուտքագրելուց։
ՀՀ վերականգնողական էներգիա արտադրողների ասոցիացիան, հայտնելով իր մտահոգությունն այդ հարցի շուրջ, ինչպես նաև կարևորելով խնդրի ամբողջ լրջությունը և պաշտպանելով օրինապահ շահառուների իրավունքները՝ ահազանգ է հնչեցնում։
ՀՀ վերականգնողական էներգիա արտադրողների ասոցիացիան, հիմք ընդունելով երկրի բնապահպանության ապահովման առաջնահերթությունը և կարևորությունը, գործող օրենսդրության և համապատասխան օրենքների գերատեսչությունը, ինչպես նաև պաշտպանելով Եղեգիս գետավազանի տուժող տնտեսվարող կողմերի շահերն ու իրավունքները՝ վստահեցնում է, որ կիրականացվեն բոլոր անհրաժեշտ քայլերը՝ օրենքի ողջ խստությամբ պատժելու օրինախախտներին։
ՀՀ վերականգնողական էներգիա արտադրողների ասոցիացիա
Հասարակության հետ կապեր
