Ադրբեջանի արտգործնախարար Էլմար Մամեդյարովը հայտարարել է, որ դեկտեմբերի 6-ին հանդիպելու է Հայաստանի արտգործնախարարի և ԵԱՀԿ Մինսկի խմբի համանախագահների հետ: Այս մասին Բաքվում Թուրքիայի և Պակիստանի գործընկերների հետ հանդիպումից հետո հայտարարել է Մամեդյարովը, հաղորդում է ԱՊԱ-ն:
Նախարարը հավելել է, որ Ադրբեջանը համաձայնություն է տվել այդ հանդիպմանը:
«Մենք միշտ ասում ենք, որ բանակցությունները պետք է լինեն տրամաբանական և էական: Մոսկվայում տեղի ունեցած հանդիպմանը մենք համանախագահների հետ անցկացրինք խորը և մանրամասն բանակցություններ: Հավանաբար համանախագահները կշարունակեն բանակցություններն այդ ուղղությամբ»,- ասել է նախարարը:
Հանդիպումը նախատեսվում է անցկացնել Վիեննայում ԵԱՀԿ արտգործնախարարների խորհրդի նիստին:
Պատրաստեց՝ Վիկտորյա ԱՆԴՐԵԱՍՅԱՆԸ
