Վերջերս ԿԳ նախարար Լեւոն Մկրտչյանը ԱԺ-ում թվեր էր ներկայացրել, որոնք փաստում էին, որ վերջին տարիներին 5032 պաշտպանածներից 646-ն են գիտության մեջ:
Aravot.am-ը ԿԳ փոխնախարար Դավիթ Սահակյանից հետաքրքրվեց` ինչու ամբողջական պատկեր ունենալու համար նախարարությունը չի հրապարակում այն վիճակագրությունը, ըստ որի՝ ովքեր են «դրսի» հետ գիտական ծրագրեր անում եւ դրսում պաշտպանել:
«Անշուշտ այդ տվյալները կան, թե ովքեր են միջպետական կառավարական ծրագրերով գնացել արտասահման սովորելու, բայց եթե մարդն իր սեփական նախաձեռնությամբ է հայտնվել արտասահմանում, կրթություն է ստանում, գիտնական է դարձել, թե ոչ, ԿԳ նախարարությունն այդ տվյալները չունի»,-ասաց ԿԳ փոխնախարարը:
Նա նաեւ հավելեց. «Նպատակ է դրված հայ գիտնականների տվյալների շտեմարան ստեղծվի, ու պրոցեսը գնում է, բայց դա վիճակագրություն չէ, ուղղակի տվյալների բազա է այն մարդկանց, որոնք մեր տեսադաշտում հայտնվել են»,-հավելեց Դավիթ Սահակյանը:
Գոհար ՀԱԿՈԲՅԱՆ
