Ռուսական НТВ հեռուստաալիքը Место встречи հանդիպման շրջանակներում անդրադարձել է Հայաստանի և Եվրամիության միջև Համապարփակ և ընդլայնված գործընկերության համաձայնագրի ստորագրմանը:
Քննարկմանը մասնակցող քաղաքագետ Օլեգ Բարաբանովը նախ նշել է, որ «Հայաստանը Եվրամիությանը պետք չէ», վերջինս պարզապես ցանկանում է սեպ խրել նոր ձևավորվող Եվրասիական տնտեսական միության մեջ: Նա նշել է, որ 2013թ., երբ Հայաստանը «ազատ երկիր էր», այսինքն` որևէ միավորմանը միացած չէր, ընտրություն կատարեց, և այդ ընտրությունը Եվրասիական տնտեսական միությունն էր: Այժմ, նրա խոսքով, երբ «Եվրասիական միությունն աստիճանաբար վերածվում է քվազի-միասնական պետության, Հայաստանը կլինի «տրոյական ձիու» կարգավիճակում»:
Հյուրերից մեկն էլ՝ Բորիս Նադեժդինը, Հայաստանի դիրքորոշումը մեկնաբանել է որպես «ես փոքրիկ, բայց հպարտ աղջիկ եմ», հաղորդավարն էլ կողքից օգնել է. «Աղջիկը երիտասարդ սիրեկան է ուզում ձեռք գցի»:
Քննարկմանը ներկա քաղաքագետ Սերգեյ Մարկովն էլ հիշել է «Ադոլֆ Հիտլերի ժամանակակից Նժդեհին, որին Հայաստանում հուշարձաններ են կանգնեցնում և նրան անվանում ազգային հերոս»: Նրա խոսքով՝ հայերն անգամ փորձում են «միջամտել Ռուսաստանի ներքին գործերին և ճնշում գործադրել ռուսական հեռուստաալիքների վրա, որպեսզի իրենք չասեն, որ Նժդեհի նացիստ հանցագործ է»:
Ավելին, Հայաստանի և ԵՄ-ի միջև համաձայնագիրը Մարկովը մեկնաբանել է ոչ թե անգամ ապտակ, այլ ԵՄ-ի կողմից նախապատրաստում՝ Ռուսաստանի վրա հարձակման համար: Իսկ Հայաստանից հետո հաջորդ երկիրը, նրա խոսքով, պետք է լինի Բելառուսը:
Ուշագրավ է, որ ամբողջ հաղորդման ընթացքում հաղորդավարները փորձում են ուղղորդել հյուրերին իրենց պատասխաններում և հեգնում են այն բանախոսներին, որոնք Հայաստանը դիտարկում են ոչ թե որպես «Ռուսաստանի կին», այլ որպես անկախ պետություն:
Բացի այդ հիշեցվում է, որ Ռուսաստանը Հայաստանը ամենամեծ տնտեսական գործընկերն է, անվտանգության երաշխավորը, և Ղարաբաղյան հակամարտությունը լայնածավալ պատերազմի չի վերածվում հենց Ռուսաստանի շնորհվ:
https://www.youtube.com/watch?v=qT6V5_VCxHM
Պատրաստեց՝ Վիկտորյա ԱՆԴՐԵԱՍՅԱՆԸ
