Հայաստանը ԵՄ-ի հետ համաձայնագիր է ստորագրել՝ ոչ ի հաշիվ ԵՏՄ-ի հարաբերությունների եւ ՌԴ-ի հետ համագործակցության: Այսօր «Միացյալ Ռուսաստան» կուսակցության ներկայացուցիչ, ՌԴ Պետդումայի միջազգային հարցերով կոմիտեի անդամ եւ պատգամավոր Սերգեյ Ժելեզնյակի հետ հրավիրած ասուլիսում ասաց ԱԺ արտաքին հարաբերությունների հանձնաժողովի նախագահ Արմեն Աշոտյանը:
Լրագրողները հետաքրքրվեցին՝ ՌԴ պետդումայի մի խումբ պատգամավորներ, Ռուսաստանի հանրային պալատի անդամներ, փորձագետներ եւ իրավաբաններ հայց են պատրաստում ներկայացնել ՄԱԿ-ի միջազգային դատարան այն երկրների դեմ, որոնք հերոսացնում են ֆաշիզմը եւ, ըստ նրանց, այդ երկրների թվում է նաեւ Հայաստանը, որը հերոսացնում է Նժդեհին:
Լրագրողները հիշեցրին, որ ՀՀԿ-ն հենց նժդեհյան գաղափարախոսության ջատագովն է, ուստի հարցին՝ չե՞ք կարծում, որ նման քայլերում Հայաստանում հակառուսական նոր տրամադրություններ եք ստեղծում՝ Սերգեյ Ժելեզնյակը պատասխանեց. «Ռուսաստանում բնակվում է 146 մլն մարդ եւ այդ մարդիկ ունենում են տարբեր տեսակետներ, այդ թվում հենց այդ խումբն ունի իր տեսակետը: Իմ կարծիքով, այդ տեսակետը հեռանկար չունի, քանի որ հիմնված է ոչ խորը գիտելիքների վրա»:
Նա խորհուրդ տվեց հայ եւ ռուս բոլոր փորձագետներին, որ աղմկահարույց հայտարարություններ անելուց առաջ ուսումնասիրություններ անել: Ըստ Ժելեզնյակի, որեւէ հիմք չկա, որ դատարանը կքննի այդ հարցը, որը վերաբերում է ՀՀ-ին եւ իր ազգային հերոսներին:
Մանրամասները՝ տեսանյութում:
Հռիփսիմե ՋԵԲԵՋՅԱՆ
