Չնայած բասկետբոլի Հայաստանի ազգային հավաքականը Եվրոպայի 2021 թվականի առաջնության ընտրական առաջին փուլի երկու տուրում 71:78 հաշվով հարազատ հարկի տակ զիջեց Դանիայի ընտրանուն, մեր թիմը երեք միավորով գլխավորում է «B» խմբի մրցաշարային աղյուսակը:
Հայաստանի հավաքականը առաջին խաղում 80:63 հաշվով առավելության էր հասել Ալբանիայի նկատմամբ: Դանիան եւ Ալբանիան դեռեւս մեկ հանդիպում պակաս են անցկացրել:
Այժմ տեւական դադար է լինելու: Հաջորդ խաղը Նիկշա Բավցեւիչի թիմն անցկացնելու է եկող տարվա փետրվարի 25-ին: Այդ օրը մեզ հյուրընկալվելու է Ալբանիան:
Ենթախմբերի հաղթողները եւ երկրորդ տեղ զբաղեցրած թիմերի շարքում լավագույն ցուցանիշը ունեցող հավաքականը կանցնեն հաջորդ փուլ:
Աշոտ ՀԱԿՈԲՅԱՆ
Լուսանկարը՝ ՀԲՖ կայքի
