Նոյեմբերի 23-ին Սանկտ Պետերբուրգի ակադեմիական կապելլայում ՀՀ մշակույթի նախարար Արմեն Ամիրյանի և Սանկտ-Պետերբուրգում ՀՀ գլխավոր հյուպատոս Հրայր Կարապետյանի մասնակցությամբ տեղի ունեցավ «Ռուսաստանում Հայաստանի մշակույթի օրերի» պաշտոնական փակման հանդիսավոր արարողությունը: Միջոցառումը նվիրված էր Հայաստան-Ռուսաստան դիվանագիտական հարաբերությունների հաստատման 25-ամյակին:
Արարողությանը ելույթներով հանդես եկան ՀՀ մշակույթի նախարար Արմեն Ամիրյանը, Սանկտ Պետերբուրգում ՀՀ գլխավոր հյուպատոս Հրայր Կարապետյանը և Սանկտ-Պետերբուրգի կառավարության մշակույթի կոմիտեի նախագահ Կոնստանտին Սուխենկոն:
Իր ելույթում նախարար Արմեն Ամիրյանը նշեց. «Մշակույթը տարբեր ազգերի փոխհարաբերությունների հենց այն միջազգային լեզուն է, որն ամենաշիտակ և ամենակարճ ճանապարհն է դեպի մարդկանց սրտեր ու հոգիներ: Ես համոզված եմ, որ այս մշակութային օրերից հետո ոչ միայն մշակութային հարաբերությունները կընդլայնվեն, այլ ընդհանրապես երկու ժողովուրդների բարեկամությունը կարող է նոր շունչ ու թափ ստանալ»:
Ողջունելով հյուրերին՝ Սանկտ Պետերբուրգում ՀՀ գլխավոր հյուպատոս Հրայր Կարապետյանը նշեց, որ Հայաստանի և Ռուսաստանի նախագահներ Սերժ Սարգսյանի և Վլադիմիր Պուտինի նախաձեռնությամբ Ռուսաստանում Հայաստանի մշակույթի օրերի հրաշալի մարաթոնը նվիրված է մեր երկրների միջև դիվանագիտական հարաբերությունների հաստատման 25-ամյակին: «Իհարկե, հայ-ռուսական բազմադարյա հարաբերությունների համատեքստում ներկայիս հոբելյանը լավ առիթ է նոր հանդիպումների և շփումների, ինչպես նաև նոր նախագծերի քննարկման համար» – ընդգծեց ՀՀ գլխավոր հյուպատոսը:
Սանկտ Պետերբուրգի կառավարության մշակույթի կոմիտեի նախագահ Կոնստանտին Սուխենկոն ընթերցեց Սանկտ Պետերբուրգի նահանգապետ Գեորգի Պոլտավչենկոյի ուղերձը:
«Ռուսաստանում Հայաստանի մշակույթի օրերի» փակման պաշտոնական արարողությանը Սանկտ Պետերբուրգի պետական ակադեմիական կապելլայում եզրափակիչ համերգային ծրագրով հանդես եկան Վահագն Հայրապետյանի ջազային կվինտետը և «Հովեր» պետական կամերային երգչախումբը:
Միջոցառմանը ներկա էին Սանկտ Պետերբուրգի և Լենինգրադի մարզի կառավարությունների ներկայացուցիչներ, Սանկտ Պետերբուրգում հավատարմագրված գլխավոր հյուպատոսներ և դիվանագետներ, ռուս մտավորականներ, հայ համայնքի ներկայացուցիչներ:
ՀՀ ԱԳՆ
— ԵՂԲԱՅՐԱԿԱՆ — ԲԱՐԵԿԱՄԱԿԱՆ —-
Այս զոյգ բառերը որ սովետական տարիներէն ժառանգութիւն մնացած են նախկին հանրապետութիւններու մէջ , այլեւս դարձած են իմաստնազուրկ և բոլորովին անհամոզիչ ,հակառակ անոր ամէն նորելուկ նախարար – կը սիրէ կրկնել ցոյց տալու համար իր ռուսա-սովետական թեքումը
և կը համարի ինք եւս այդ դպրոցին պատկանիլ և հաճելի դառնալ իշխանութիւններուն —Եկէք այսուհետեւ խօսինք ազգերու և ժողովուրդներու միջեւ ՄԱՐԴԿԱՅԻՆ ՅԱՐԱԲԵՐՈՒԹԻՒՆՆԵՐՈՒ —
մասին որ շատ աւելի կարեւոր և համոզիչ է և հետապնդելի առաքինութիւն;
Ես չեմ հասկցած թէ այսօր ով ՞ կը հաւատայ ՀԱՅ – ԱԶԷՐԻ եղբայրական կամ բարեկամական զգացումներուն, եթէ փորձենք մարդկային յարաբերութիւն մշակել գուցէ ” շանս” մը կ՛ունենանք;