«Դա իրոք այդքան կարևո՞ր է, ընկերնե՛ր»,- «Մեդիա կենտրոնում» լրագրողների հետ հանդիպմանը Հայաստանում ԵՄ պատվիրակության ղեկավար, արտակարգ և լիազոր դեսպան Պյոտր Սվիտալսկին այդպես էլ չցանկացավ հստակեցնել՝ ի վերջո 2013-ին ասոցացման համաձայնագիրը ստորագրելուց հրաժարվողը Հայաստա՞նն է եղել, թե՞ ԵՄ-ն:
Լրագրողի հիշեցմանը՝ՀՀ նախագահ Սերժ Սարգսյանը ԵՄ բարձրաստիճան պաշտոնյաների ներկայությամբ հայտարարել է, որ ԵՄ-ն է վերջին պահին հրաժարվել է ստորագրելուց, մինչդեռ Պյոտր Սվիտալսկին և ԵՄ այլ բարձրաստիճան պաշտոնյաներ հայտարարել են, թե Հայաստանն է հրաժարվել և հարցին՝ ի վերջո ո՞վ է եղել հրաժարվողը, պարոն դեսպանը պատասխանեց. «Չէի ուզի անցյալ գնալ և վերլուծել՝ ինչ տեղի ունեցավ: Եկեք ապագային նայենք: Սա լավ ապագա խոստացող համաձայնագիր է: Չեմ կարծում, որ ժամանակն է անցյալին նայել և կրկնել բոլոր այն զգացմունքները, որ կային 2013-ին: Հիմա մենք հստակ գիտենք, որ սա շատ կարևոր համաձայնագիր է և տարբերվում է ասոցացման համաձայնագրից: Սա ասոցացման համաձայնագիր չէ, բայց ԵՄ-ն միշտ նաև առաջնորդվում է իր գործընկերների մղումներով: Այնպես որ, սխալ է խոսել այն մասին, թե ԵՄ-ն ինչ-որ բան է պարտադրում»:
Տաթև ՀԱՐՈՒԹՅՈՒՆՅԱՆ
