Վանաձորի քաղաքապետի առաջին տեղակալ նշանակվելուց հետո լրագրողները փորձեցին «Հայկական վերածնունդ» խմբակցության Վանաձորի կառույցի ղեկավար Արկադի Փելեշյանից ճշտել թե ինչո՞ւ մեկ տարի բոյկոտից հետո հենց այս օրերին որոշեցին համագործակցել Հանրապետական կուսակցության հետ եւ մասնակցել նիստերին. «Ես անձամբ ընտրել էի Քրիստ Մարուքյանին, ուզում էի, որ ինքը քաղաքապետ լիներ: Տեսա բոյկոտի արդյունքում ոչ մի բան չի լինում: Ես եկել եմ այսօր աշխատեմ հօգուտ մեր ժողովրդի, եւ փորձեմ մեր ժողովրդի համար մի լավ բան անել»,- ասաց Փելեշյանը:
Լրագրողների այն հարցին, թե ի՞նչ մարդկային երախտագիտության մասին էր խոսվում իրենց կառույցի կողմից տարածած հաղորդագրության մեջ, Փելեշյանը պարզաբանեց.
«Մի տարի Քրիստ Մարուքյանը մեզ մի անգամ չի դիմել, մի տարի մի անգամ մեզ չի ասել իր ծրագրերի մասին: Ես ընտրել եմ Քրիստ Մարուքյանին ու շատ փոշմանել, իսկ այն 32 ավագանու տեղը ես ոչ մի բան չեմ կարող պատասխանել ,- ասաց Փելեշյանն ու հավելեց. «Փոշմանել եմ, որ քաղաքը մի տարի է էս օրն է գցել, այ դրա համար եմ փոշմանել»:
Մանրամասները՝ տեսանյութում
Տաթեւիկ ՂԱԶԱՐՅԱՆ
