Ցավալի է, բայց նախորդ շաբաթ տեղի ունեցած իրադարձությունները ևս մեկ անգամ հաստատեցին, որ, մեծ հաշվով, անկախության առաջին տարիներից սկսած` մեր քաղաքական ուժերի և առաջատար գործիչների ձեռագիրն ու գործելաոճը չի փոխվել: Հաճախ կարևորագույն խնդիրների մասին բարձրաձայնվում է միայն այն ժամանակ, երբ դա որևէ առնչություն ունի սեփական ծրագրերի, հետագա վերարտադրությունն ապահովելու և կամ ունեցվածքը պահպանելու ու բիզնես կանոնները թելադրելու հետ:
Գիտության համար պայքարող մեր ակտիվ ուսանողները, ՊԵԿ-«Ծառուկյան դաշինք» «փոխհրաձգությունը», միմյանց գործունեության վերաբերյալ մեղադրանքները, փոխադարձ սպառնալիքներն ու ինչ-ինչ հրապարակային բացահայտումները, կարող ենք համարել վերը նշվածի ապացույց:
Հաջորդիվ` նույն ժանրից, Արցախի հերոս Սամվել Բաբայանի դատավարությունն ու դատախազի առաջարկած պատիժն է, իսկ ավելի թարմ` Փաշինյան-Աբրահամյան առցանց կսմթոցները:
Մի կողմում` իշխանությունն է`մեզ հայտնի որակներով ու գործիչներով, մյուս կողմում` բազմերանգ ընդդիմությունն`իր խիստ անձնական խնդիրներով ու պահանջներով:
Ներքաղաքական վերջին զարգացումների ամփոփումն` առաջարկվող տեսանյութում:
Սուրեն ՍԱՐԳՍՅԱՆ
