Այսօր առավոտյան ժամը 10-ին ԱԻՄ նախագահ Պարույր Հայրիկյանը Կենտրոնական ընտրական հանձնաժողովի մոտ հացադուլ է սկսել: Նա պահանջում է, որպեսզի ԿԸՀ-ն իրեն ձեւաթուղթ տրամադրի սահմանադրական բարեփոխումների հանրաքվե անցկացնելու համար 200 հազար քաղաքացիների ստորագրություններ հավաքելու: ԿԸՀ-ն մերժել է այդ առիթով նոյեմբերի 3-ի ԱԻՄ-ի դիմումը: Մերժման մեջ հիմնավորվում է, որ քաղաքացիները նման նախաձեռնությամբ հանդես գալ չեն կարող:
Պարույր Հայրիկյանը ենթադրում է, որ փոփոխված սահմանադրության այս նորմը ուժի մեջ է մտնելու 2018-ի փետրվարից, ուստի համարում է, որ ԿԸՀ-ում լիարժեք չեն տիրապետում օրենսդրությանը եւ իրենց մերժումը հիմնավորված չէ: Բացի այդ, Հայրիկյանը համարում է, որ 2018-ի փետրվարից այս դրույթի գործողության մեջ մտնելու պահից, եթե իրենք նախաձեռնեն ստորագրահավաքը, ապա 200 հազար ստորագրություն հավաքելու համար բավարար ժամանակ չեն ունենա:
Այլ մանրամասներ եւ տեսանյութը՝ շուտով
Նելլի ԳՐԻԳՈՐՅԱՆ
