«Նույն հաջողությամբ կարող եմ ասել, որ մեծ թվով սոցիալապես անապահով ընտանիքների նորակոչիկներ չեն ուզենա այդ ծրագրով պայմանագիր կնքեն եւ ծառայեն»: ՊՆ իրավաբանական վարչության պետ Սասուն Սիմոնյանն այսպես է արձագանքում լրագրողի այն դիտարկմանը, թե ՊՆ «Ես եմ» ծրագիրն ուղղված է սոցիալապես անապահով խավին, քանի որ ծառայության ավարտին ենթադրում է գումարի վճարում:
«Անկախ ամեն ինչից, ծրագրին դիմելը մարդու ցանկությամբ է: Գումար ունենալ-չունենալը չափանիշ չէ»,-«Ճամփորդ» հիմնադրամի կազմակերպած՝ «Լրագրողը՝ որպես օբյեկտիվ հենասյուն՝ օնլայն եւ օֆլայն պատերազմական իրավիճակում» դասընթացի մասնակի-լրագրողների հետ զրույցում ասաց նա:
Անդրադառնալով հասարակական մտահոգությանը, թե այս ծրագիրը, միեւնույնն է, սոցիալական արդարության խնդիր չի լուծելու, եւ «վերին խավի» զավակները կրկին խուսափելու են ծառայությունից, Սասուն Սիմոնյանը նկատեց. «Հիվանդությունը չի ընտրում՝ վերեւի՞ խավից է, թե ցածր»:
ՊՆ պաշտոնյան նաեւ վստահեցրեց, որ «Ես եմ» ծրագրով թվաքանակի խնդիր չեն լուծում:
Մանրամասն՝ տեսանյութում:
Լուիզա ՍՈՒՔԻԱՍՅԱՆ
