«Եթե կան նման դեպքեր, ապա կարող են դիմել համապատասխան մարմինների, ովքեր կպարզեն, եղել է, թե ոչ: Հայտարարություն կատարելով չէ միայն»,- խորհրդարանում լրագրողների հետ զրույցում ասաց ՊԵԿ փոխնախագահ Վախթանգ Միրումյանը, պատասխանելով հարցին` ԱԺ «Ծառուկյան» խմբակցության պատգամավորները հայտարարում են, որ ՊԵԿ աշխատակիցները վայրագություններ են կիրառել «Առինջ մոլի» աշխատակիցների նկատմամբ, ընդհուպ, մինչեւ վրաերթի են ենթարկել:
Դիտարկմանը, որ կա նաեւ համապատասխան տեսանյութ, «Կենտրոն» հեռուստաընկերության աշխատակիցն էլ պնդում է, որ տեղի ունեցածն իրականություն է, ՊԵԿ փոխնախագահը պատասխանեց` չի տեսել այդ տեսանյութը:
Մանրամասնելով, ՊԵԿ փոխնախագահը նաեւ նկատեց` հարկային մարմինները, օրենսգրքով սահմանված կարգով, իրավունք ունեն կիրառել ֆիզիկական ուժ: Ասենք, եթե հարկային մարմնի ներկայացուցչի վրա հարձակվել են:
Նելլի ԳՐԻԳՈՐՅԱՆ
