Հարկավոր է սիգի վաճառքն օրինականացնել. «Հայոց Աշխարհ»

Մե­զա­նում ար­դեն մշ­տա­կան քն­նարկ­ման նյութ է դար­ձել Սեւանի սի­գի ար­գել­ված որսն ու սնն­դի անվ­տան­գու­թյան տե­սանկ­յու­նից ռիս­կա­յին հա­մար­վող պայ­ման­նե­րում դրա իրա­ցու­մը: Բայց խն­դի­րը որեւէ ձեւով լու­ծում այդ­պես էլ չի ստա­նում:

Սի­գի փո­ղո­ցա­յին առեւտու­րը չի դա­դա­րում, նույն աշ­խու­ժու­թյամբ այ­սօր էլ գրե­թե բո­լոր կենտ­րո­նա­կան փո­ղոց­նե­րում՝ մայ­թեզ­րե­րին, արկ­ղե­րով սի­գեր են շար­ված՝ ավ­տո­մե­քե­նա­նե­րի ար­տա­նե­տում­նե­րի, փոշ­ու, արեւի ու­ղիղ ճա­ռա­գայթ­նե­րի տակ, հա­կա­հի­գի­ե­նիկ պայ­ման­նե­րում:

Էկո­կենտ­րո­նի սնն­դի շղ­թա­յի ռիս­կե­րի գնա­հատ­ման կենտ­րո­նի ղե­կա­վար ԴԱ­ՎԻԹ ՊԻ­ՊՈ­ՅԱ­ՆԻ հա­վաստ­մամբ՝ սի­գի իրաց­ման հա­մար ներ­կա պայ­ման­նե­րը սպա­ռող­նե­րի հա­մար առող­ջա­կան խն­դիր­նե­րի մեծ ռիս­կեր են առա­ջաց­նում։ Որեւէ մե­կը չի կա­րող կան­խա­տե­սել, թե այդ վտանգն ինչ ձեւով ի հայտ կգա եւ ինչ­պի­սի հետեւանք­ներ կու­նե­նա: Ուս­տի նա խոր­հուրդ է տա­լիս, որ սպա­ռող­նե­րը զերծ մնան նման ռիս­կե­րից, փոր­ձու­թյան չեն­թար­կեն իրենց ճա­կա­տա­գի­րը, խու­սա­փեն փո­ղո­ցա­յին պայ­ման­նե­րում վա­ճառ­վող սիգ ձեռք բե­րե­լուց։

«Ընդ­հան­րա­պես կեն­դա­նա­կան ծա­գում ու­նե­ցող սնն­դամ­թեր­քի իրաց­ման պայ­ման­նե­րը մե­զա­նում կա­րե­լի է հիմ­նա­կա­նում անմ­խի­թար հա­մա­րել, մինչ­դեռ նման մթերք­նե­րը բարձր ռիսկային են՝ ար­տա­քին պայ­ման­նե­րը, պահ­պան­ման ջեր­մաս­տի­ճա­նը, հի­գի­ե­նան ուղ­ղա­կի­ո­րեն ազ­դում են այդ մթերք­նե­րի որա­կի, վտան­գա­վո­րու­թյան աս­տի­ճա­նի վրա: Այս առու­մով առանձ­նա­նում է ձու­կը, որով­հետեւ այն նաեւ շատ արագ փչա­ցող մթերք է:

Սո­վո­րա­բար կեն­դա­նա­կան ծա­գում ու­նե­ցող մթերք­նե­րը սպան­դից հե­տո երբ մշակ­ման են են­թարկ­վում, այդ ըն­թաց­քում դրան­ցում առ­կա գլի­կո­գե­նը վե­րած­վում է կաթ­նաթթ­վի, որն առ­ժա­մա­նակ վա­րա­կա­զերծ ազ­դե­ցու­թյուն է ու­նե­նում մսի վրա: Բայց քա­նի որ ձկան մեջ գլի­կո­գե­նը քիչ է, հետեւապես վա­րա­կա­զերծ հատ­կու­թյունն էլ փոքր է, եւ ձու­կը շատ արագ փչա­նում է: Իսկ եթե հաշ­վի առ­նենք, որ այն տե­ղա­փոխ­վում եւ իրաց­վում է ոչ սառ­նա­րա­նային պայ­ման­նե­րում, ուս­տի պատ­կե­րաց­րեք, թե այդ գոր­ծըն­թա­ցը որ­քան կարճ ժա­մա­նա­կում կա­րող է լի­նել: Այ­նինչ հա­ճախ ձկան տե­ղա­փո­խումն ու իրա­ցու­մը ժա­մեր եւ օրեր է տեւում»,- ասում է մաս­նա­գե­տը։

Դա­վիթ Պի­պո­յա­նի դի­տարկ­մամբ. «Եթե ի վեր­ջո այս տա­րի սնն­դի անվ­տան­գու­թյան հա­մար պա­տաս­խա­նա­տու կա­ռույ­ցը քայ­լեր ձեռ­նար­կեց հնա­րա­վո­րինս կար­գա­վո­րե­լու մսի տե­ղա­փոխ­ման եւ իրաց­ման շու­կան՝ այն քիչ թե շատ վե­րահս­կե­լի եւ անվ­տանգ դարձ­նե­լով, ապա Սեւանի սի­գի շու­կա­յի հա­մար հնա­րա­վոր չէ նման վե­րահս­կո­ղու­թյուն սահ­մա­նել՝ հաշ­վի առ­նե­լով, որ ընդ­հան­րա­պես ար­գել­ված է այդ ձկան վա­ճառ­քը: Ուս­տի ով ինչ­պես ու­զում է տե­ղա­փո­խում է Սեւանից տար­բեր մար­զեր, նաեւ մայ­րա­քա­ղաք եւ վա­ճա­ռում: Ո՞վ իմա­նա, թե այդ ձուկն ինչ­պես է հասց­վել իրաց­ման կետ: Մենք մի­այն վա­ճառ­քի անմ­խի­թար պայ­ման­ներն ենք տես­նում, իսկ տե­ղա­փոխ­մանն ակա­նա­տես չենք:
Այս դեպ­քում մնում է մի­այն առգ­րա­վել վա­ճառ­քի հան­ված մթեր­քը եւ ար­գե­լել դրա հե­տա­գա իրա­ցու­մը»։

Թագուհի Ասլանյան

Հոդվածն ամբողջությամբ կարդացեք «Հայոց Աշխարհ» օրաթերթի այսօրվա համարում