Մարդու իրավունքների եվրոպական դատարանը (ՄԻԵԴ) բավարարել է «Մովսիսյանի հայցը ընդդեմ Հայաստանի» և պարտավորեցրել հայցվորին վճարել 12 հազար եվրո փոխհատուցում:
Ալբերտ Մովսիսյանը ՄԻԵԴ էր դիմել կապված իր դստեր մահվան վերաբերյալ կայացված որոշման հարցով:
Մովսիսյանի դուստրը՝ 1985թ.ծնված Կ.Մ.-ն, 2007թ. սեպտեմբերի 7-ին հղիության առաջին շրջանում իրեն վատ է զգացել, և շտապ օգնություն են կանչել, որը տեղ է հասել 40 րոպե ուշացումով: Շտապ օգնության բժիշկը Կ.Մ-ին հայտնաբերել է անգիտակից վիճակում՝ արյան ցածր ճնշմամբ և թույլ շնչառությամբ, նրան ռելանիում և մագնեզիում է ներարկել և տեղափոխել է հիվանդանոց: Սակայն սեպտեմբերի 14-ին կինը, այդպես էլ գիտակցության չգալով, մահացել է:
Հայցվոր կողմը դատական ատյաններում պնդել է, որ իր դուստրը մահացել է բժշկի անփութության պատճառով, քանի որ հղիության ընթացքում այդ ներարկումները հակացուցված են: Բացի այդ, նրա պնդմամբ, շտապ օգնությունը ժամանել է ուշացումով, իսկ հիվանդանոց տեղափոխելու ճանապարհին բժիշկը հիվանդի կողքին չի նստել:
2008թ. հոկտեմբերին հայցվորի բողոքը Վճռաբեկ դատարանում չի բավարարվել:
ՄԻԵԴ-ը վճռել է, որ տեղի է ունեցել Մարդու իրավունքների և հիմնարար ազատությունների պաշտպանության մասին կոնվենցիայի 2-րդ հոդվածի խախտում, որով երաշխավորվում է՝ «յուրաքանչյուրի կյանքի իրավունքը պաշտպանված է օրենքով»:
Պատրաստեց՝ Վիկտորյա ԱՆԴՐԵԱՍՅԱՆԸ
